Ağır vəziyyətdə olan ana və körpəsinin həyatı xilas edilib

19 Noyabr 2025

378

28.09.2025-ci il tarixində səhər saat 09:00 radələrində 1989-cu il təvəllüdlü hamilə ağır vəziyyətdə Quba Rayon Mərkəzi Xəstəxanası Quba Rayon Mərkəzi Xəstəxanasına hospitalizasiya olunub.

Azmedinfo.az xəbər verir ki, pasiyentə 32 həftəlik hamiləlik, uşaqlıq üzərində çapıq, mərkəzi cift gəlişi, ciftin vaxtından əvvəl ayrılması diaqnozu təyin olunub və zəruri ilkin tibbi xidmət göstərilərək ağır qanaxma ilə Quba Regional Perinatal Mərkəzə təxliyə olunub.

Zəruri tibbi xidmətlər göstərildikdən sonra həkim rəyi əsasında qeysəriyyə kəsiyi əməliyyatı icra olunub.

Qeysəriyyə kəsiyi əməliyyatı ilə qadının çəkisi 1600 qr., boyu 42 sm., olan oğlan övladı dünyaya gəlib.

Hamilə ağır qanaxma ilə cərrahi əməliyyat edildiyi üçün körpəsi əməliyyatdan ağır asfiksiya halı ilə dünyaya gəlib. Körpə Əməliyyat blokunda reanimasiya tədbirləri nəticəsində həyata qaytarılıb. Dövlət təminatlı “Curosurf” preparatı LISA metodu ilə körpənin ağciyərlərinə yeridilib, 3 həftə müddətində süni tənəffüs dəstəyi ilə təmin olunub.

Zahı qadının müalicəsi Reanimasiya, körpənin müalicəsi isə Yenidoğulmuşların reanimasiyası şöbəsində davam etdirilib. Körpə intensiv reanimasiya tədbirləri və həkimlərin çoxsaylı səyləri nəticəsində sərbəst nəfəs alır, aktiv əmmə refleksi var, qidanı yaxşı qəbul edir və laborator göstəriciləri normaya uyğundur.

Vəziyyətləri qənaətbəxş qiymətləndirillən ana və körpəsi evə buraxılıb.