Mədə-bağırsaq sistemi ilə ürək arasında düşündüyümüzdən daha sıx əlaqə mövcuddur və bəzi həzm problemləri ürək ritminə təsir göstərə bilər.

Azmedinfo.az xəbər verir ki, qastroenteroloq, hepatoloq, invaziv endoskopist Dr. Aqil Ağakişiyevin sözlərinə görə, xüsusilə qusma və ishal zamanı elektrolitlərin itirilməsi, güclü köp və qarında təzyiq, eləcə də bəzi mədə-bağırsaq xəstəlikləri ürək döyüntüsünün sürətlənməsinə və ritm pozuntularına səbəb ola bilər.

Həkim qeyd edir ki, kalium və maqnezium kimi mineralların azalması da ürəyin fəaliyyətinə təsir göstərərək aritmiya riskini artıra bilər. Bu baxımdan həzm problemləri ilə yanaşı ürək ritmində də dəyişiklik müşahidə edən şəxslərin şikayətlərin mədə-bağırsaq sistemi ilə əlaqəli olub-olmadığını dəqiqləşdirmək üçün qastroenteroloqa müraciət etməsi tövsiyə olunur.