Bütün sonsuz cütlüklərin təxminən 10-15 faizində kişi və ya qadınla bağlı problem müəyyən olunmur. Bu vəziyyət “səbəbi bəlli olmayan” və ya “izah edilə bilməyən sonsuzluq” adlanır.

Bəzən izah edilməyən sonsuzluq diaqnozu qoyulan cütlüyün bu diaqnozu qəbul etməsi çox çətin olur.

“Səbəbi bəlli olmayan sonsuzluq” diaqnozu qoyulan cütlüklərə nə təklif edirsiniz?

Mərhələli olaraq üç müalicə seçimi var. Birincisi, “gözləyin və baxın” seçimidir. Xəstələrə hər hansı bir tibbi müalicə tətbiq etməzdən əvvəl 3 il gözləmək bəzi cütlərin hamiləliyi ilə nəticələnə bilər. Bu dövrün sonunda hamiləliyə nail olmayan cütlüklərdə 3 cəhdə qədər “nəzarət edilən ovulyasiya stimullaşdırılması”ndan sonra aşılama müalicəsi aparılmalıdır.

Bundan sonra da hamiləlik əldə edilmədikdə, xəstəni vaxt itirmədən IVF müalicəsinə yönləndirmək ən uyğun seçimdir. Hamiləliyə mane olacaq heç bir problem müəyyən edilməyən, lakin heç bir şəkildə hamilə qala bilməyən cütlüklərin vaxt itirmədən həkimə müraciət edib müalicəyə başlamaları tövsiyə edilir.

Dr. Firuzə Cəfərzadə

Mama ginekoloq