Qarın divarı bağlanmadığı üçün qara ciyəri, mədəsi, dalaqı və nazik bağırsağı bədən xaricində doğulan 33 həftəlik körpə Kayseridə dünyaya gəlib. 

Azmedinfo.az "Medimagazin"ə istinadən yazır ki, cütlük ilk övladlarının dünyaya gəlməsi üçün xəstəxanaya getdikləri zaman həkim körpələrinə omfalosel (uşaq bətnində inkişaf zamanı bağırsaq, qaraciyər, sidik kisəsi və mədə kimi orqanların qarın divarının xaricində inkişafı) diaqnozunu qoydu.

Cütlük bir çox xəstəxana və poliklinikalara müraciət etsələr də, həkimlər körpənin sağ qalma şansının olmadığını və xəstə doğulacağını bildirərək, hamiləliyin sonlandırılmasını təklif ediblər.

Ümidsizliyə qapılmayan valideynlər internetdə axtarış edib və Kayseridə Uşaq cərrahiyyəsi dosentini  Dr. Erman Dörterlerə müraciət etməyi qərar veriblər.

Tədqiqatlar nəticəsində körpənin ölüm təhlükəsi ilə üzləşdiyini, lakin müxtəlif əməliyyatlardan sonra sağlamlığına qovuşacağını deyən cərrah, əməliyyat zamanı 2.2 kiloqram çəkidə körpənin qarın divarının xaricində inkişaf edən və ətrafı nazik pərdə ilə əhatə olunmuş orqanlarını içəriyə yerləşdirib.

70 günlük reanimasiyadan sonra sağlamlığına qovuşan körpələrini qarşılayan cütlük övladını qucaqlamaqdan xoşbəxtdir.

Omfaloselin əlamətinin 10 min doğuşdan 1-də görüldüyünü qeyd edən həkim, körpənin 33-cü həftədə doğulmasının bəzi cərrahi müdaxilələri etmələrini çətinləşdirdiyini deyib: "70 gündə 3 ağır  əməliyyat keçirdik. Bu uşağı əməliyyat edərkən həm böyütmək, həm də kökəlmək lazımdır ki, həm orqanizm inkişaf etsin, həm sağalsın. Biz onu mədəsi vasitəsilə qidalandırdıq. Körpə tədricən kökəldi və indi ana südü ilə qidalanır.