Kardioloq: Aspirin ölümcül xora və qanaxmalara yol aça bilər

Aspirin öz təsir mexanizminə görə bağırsaqlarda xora yaranmasına və həyati təhlükəli qanaxmalara səbəb ola bilər.

Azmedinfo.az xəbər verir ki, bu barədə “Postnews”un məlumatına görə, həkim-kardioloq Andrey Kondraxin çıxış edib.

Məsələ ondadır ki, asetilsalisil turşusu mədədə qoruyucu prostoqlandinləri bloklayır, bu da xoraların əmələ gəlməsinə gətirib çıxarır. Bundan əlavə, qanaxmanın dayanmasına cavabdeh olan trombositlərin funksiyasını pozur.

Kardioloqun sözlərinə görə, qan-damar sisteminə təsir edən hər bir preparat əks təsir olaraq insan orqanizminə ciddi zərər vura bilir.