Allergiya ən xoş yay gününü belə korlaya bilər. Bu problem heç də tək-tük rast gəlinən hal deyil. ÜST-ün məlumatına görə, dünya əhalisinin təxminən 40%-i müxtəlif növ allergik reaksiyalardan əziyyət çəkir. 

Azmedinfo.az "Planet today"ə istinadən xəbər verir ki, allergiya orqanizmin müdafiə sisteminin xarici qıcıqlandırıcılara qarşı qeyri-xarakterik reaksiyasıdır. Bütün bunlar bronxial astma, dermatit və rinitin yaranmasına səbəb olur. Allergiyanın mövcudluğunu bir sıra nəzərə çarpan simptomlarla anlamaq olar: quru öskürək, gözlərin qıcıqlanması və ya sulanması, bunların hamısı müəyyən bir qıcıqlandırıcının olduğuna işarədir.

Allergiya ilə mübarizənin yeganə etibarlı yolu isə həkimə müraciət etməkdir. Çünki yalnız həkim xəstəliyin səbəbini tapmaqla yanaşı, insana zərər verməyəcək düzgün dərmanları da seçməyə kömək edə bilər.