Qalxanabənzər vəzi kiçik, kəpənək formalı orqandır. O, yodu qan dövranından udur, sinir sisteminin inkişafı və fəaliyyəti üçün vacib olan hormonları və orqanizmdə gedən bir çox başqa prosesləri sintez edir. Qalxanabənzər vəzinin az miqdarda hormon sintez etməsi vəziyyətinə hipotireoz, onların çoxunun olduğu patologiyalar, isə hipertireoz adlandırlır.

Azmedinfo.az xəbər verir ki, hipotireoz və hipertireoz müstəqil xəstəliklər deyil, tiroid hormonlarının hasil olmasının dəyişdiyi şərtlərdir. Hormonların daha az və ya daha çox olmasının səbəbləri həm irsi, həm də qazanılmış xəstəliklər və ya həyat tərzi faktorları ilə əlaqəlidir.

Anadangəlmə hipotireoz intrauterin inkişaf dövründə baş verən pozğunluqlarla əlaqələndirilir. Bu zaman tiroid bezi ya olmur, ya çox kiçik olduğu üçün lazımi miqdarda hormon hasil etmir. Anadangəlmə hipotireozun doğuşdan dərhal sonra neonatal skrininq zamanı diaqnozu qoyulur. O, müalicə edilə bilməsə də, medikamentoz müalicənin köməyi ilə vəziyyəti düzəltmək mümkündür.

Qazanılmış hipotireoz erkən uşaqlıq da daxil olmaqla hər yaşda diaqnoz edilə bilər. Bu vəziyyətin ümumi səbəblərindən biri Haşimoto xəstəliyi kimi də tanıdığımız autoimmun tireoiditdir. Bu xəstəlikdə immunitet sistemi öz qalxanabənzər vəzinə hücum etməyə başlayır və onun düzgün işləməməsinə səbəb olur.

Mütəxəssislərin qənaətincə, əgər övladınız tez yorulmağa, kökəlməyə başlayırsa, daim üşüdüyündən şikayətlənirsə hipotireozdan şübhələnmək mümkündür. Hipotireozlu uşaqların çox ağlağan və həddindən artıq emosional olması da nəzərə çarpır. Tiroid hormonlarının uzunmüddətli çatışmazlığını göstərən digər əlamətlərə nitqin inkişafının ləngiməsi, eləcə də böyümə sürətinin yavaşlaması daxildir.

Belə problemlərin ortaya çıxması endokrinoloqa müraciət etmək üçün mühüm səbəbdir. Ailədə tiroid bezinin patologiyası halları varsa bunu etmək xüsusilə vacibdir. Müayinə kompleks şəkildə aparılmalıdır. İxtisaslı endokrinoloq müayinəsi, müvafiq instrumental müayinələrlə yanaşı, uşağın otolarinqoloq, nevropatoloq, loqoped, lazım gələrsə, digər mütəxəssislərə də göndərilməsi məqsədəuyğundur.