Müalicəyə baxmayaraq uşaqlarda astmanın kəskinləşməsinə səbəb olan iltihabi mexanizmlər mövcuddur.

Azmedinfo.az "JAMA Pediatrics" jurnalında dərc olunan nəticələrə əsasən, xəbər verir ki, son çoxmərkəzli klinik araşdırmanın göstərdiyinə görə, Eozinofilli astma — eozinofillərin (orqanizmin immun cavabında iştirak edən bir növ ağ qan hüceyrəsi) yüksək səviyyəsi ilə xarakterizə olunur. Adətən eozinofillər infeksiyalara qarşı mübarizədə kömək edir, lakin eozinofilli astma zamanı bu hüceyrələr ağciyərlərdə və tənəffüs yollarında toplanaraq xroniki iltihab, ödem və tənəffüs yollarının zədələnməsinə səbəb olur.

Bu astma növü T2 tipli iltihabla əlaqəlidir – bu, eozinofillərin yaranmasını və aktivləşməsini stimullaşdıran sitokinləri əhatə edən immun cavabdır. Buna görə də eozinofillərin səviyyəsini azaltmaq və astma tutmalarının qarşısını almaq üçün T2 tipli iltihaba qarşı yönəlmiş terapevtik üsullardan istifadə olunur.

Lakin T2 tipli iltihabı hədəfə alan müalicəyə baxmayaraq, bəzi uşaqlarda astma tutmaları davam edir. Bu isə onu göstərir ki, kəskinləşmələrdə başqa iltihabi mexanizmlər də rol oynayır, – deyə araşdırmanın həmmüəllifi, Çikaqodakı Ann və Robert H. Luri Uşaq Xəstəxanasının həkimi Rajeş Kumar bildirib.

Araşdırma çərçivəsində alimlər ABŞ-ın 9 şəhərində aztəminatlı şəhər ərazilərində yaşayan, eozinofilli astma diaqnozu qoyulmuş uşaqların tənəffüs xəstəlikləri ilə bağlı əvvəlki klinik tədqiqatının məlumatlarını təhlil ediblər. Onlar T2 tipli iltihaba təsir edən bioloji dərman olan mepolizumabın effektivliyini 52 həftə ərzində plasebo ilə müqayisə ediblər.

Nəticələr göstərib ki, mepolizumab eozinofillərlə bağlı T2 iltihabının şiddətini azaltsa da, astma tutmalarının qarşısı tam alına bilməyib.

Əvvəlki araşdırma göstərmişdi ki, bioloji dərmanla allergik iltihabın bir hissəsini aradan qaldırdıqda belə, bəzilərində niyə hələ də tutmalar baş verir, bəzilərində isə yox? Allergik və qeyri-allergik müxtəlif iltihab növləri, həm virus mənşəli, həm də qeyri-virus mənşəli kəskinləşmələrlə qarşılıqlı əlaqədə olur. Bunu nəzərə alaraq, uşaqlarda bəzi tutmaların səbəblərini daha dəqiq müəyyən etmək üçün tədqiqatlar əhəmiyyətlidir.